Kôm det zeen: de langste krintemik van Venlo

14-02-2012 : 
Maarleefs 30 kilo bloom, 3 kilo gis, 21 kilo krinte en 15 kilo reziène zien nuuëdig veur de 25 maeter lange krintemik. De langste krintemik oèt de geschiedenis van Venlo.Bekkersstudente van Gilde Opleidingen make deze reuzemik spesjaal veur ‘t hônderdjäörig bestaon van de Venlose boerebroèlof. Dônderdaag 16 fibberwari wuùrt de mik euverhendigaan de boerefemilie Pollux. Zeej deile de mik oèt aan de Vastelaovesvierders tièdes de boere-optoch op Vastelaovesdinsdaag.

Persies hônderd jaor geleeje woort d’r in Venlo veur ‘t ièrs ‘n broèdspaar in de ônecht verbônde. Idder jaor kies ’t Venloosch Vastelaovesgezelschap Jocus ’n gezelschap oèt det de boerebroèlof
meug organisere. De jubileumbroèlof leet in hand van de femilie Pollux. ‘t Gezelschap besteit naeve ‘t broèdspaar en eur elders oèt de getuùge, de sirremoniemeister, böurgemeister én bode.
Broèdsmaedjes, broèdsjônkers, woute, opperstalmeister, keurmeister, stalknech en de sôkkertantes make ‘t gezelschap kômpleet. In Venlo is de boerebroèlof ein van de hoeëgtepunte
van de Vastelaovend.

Geej ziet van herte welkôm beej de offisjele euverdrach van de krintemik aan ‘t Boerebroèlofsgezelschap van de femilie Pollux. En waal op dônderdag 16 fibberwari um 16.00 uur beej Gilde Opleidingen, Laaghuissingel 4 in Venlo.

Programma:
15.30 - 16.00 uur Ôntvangs mit ein glaeske gleujwien
16.00 - 16.15 uur Euverdracht krintemik en optraeje van ‘t boerebroèlofsgezelschap
16.15 - 17.15 uur Hepke en klepke

Bron: Gilde Opleidingen

 Vorige Volgende 

Jouw tekst Welke code zie je hiernaast?